SANTS  ANGES  E  ARQUANGES

MIQUEL, GABRIEL, RAFEL

 

Vint-a-nòu de setembre

 

 

ANTÌFOUNA D’INTRÀIA

                                                                                              Saume Cent dous, vint

 

Benesissès ou Signour, tout’i sis Anges,

Que da me fouòrça e pouler coumpissès i sis ordres

Per vous piegar à la siéu paraula.

 

OURACIOUN D’INTRÀIA

 

Dintre a tiéu amirabla sapiença, Signour,

Despartìsses i sis founciouns ais Anges e ais omes ;

Fai que nous reparessan sus d’aquesta terra

Aquels que, dintre ou cel, van servent

Denanch a tiéu Santa facia.

Da Jesus-Crist, ou tiéu enfant, Nostre Signour,

Que viéu e regna da me tu e l’Espìritou Sàntou,

Diéu, ahura e per l’Eternità.                                                 Counsì sìa

 

LETURA

 

Letura dar Libre de l’Apoucalissi                                         douze, set – dès

 

I aguè dintr’ ou cel una grana batalha :

Miquel e i sis Anges luchèron da m’ou Drac,

E ou Drac, luchè ensem da m’i sis Anges.

Ma gagnèron ren e i aguè pas pus de piaça

                   Per els dintr’ou cel

 

Fouguè abutà devers aval

Ou gran Drac, serpatàs d’i proumiés journs,

Aquel qu’i dison Demoni e Satan,

Aquel qu’engana ou mounde entier.

Fouguè jetà devers aval sus a Terra,

                   Da m’i sis Anges tamben.

 

SAUME

                                                                                              Cent trenta-set, dous – cinq

Refregne :

Canterai ou Signour en presença dis Anges.

 

De tout ou miéu couòr te fàgou ou miéu mercì :

As auì a miéu preguiera.

Te càntou en presença dis Anges

E devers ou tiéu Temple Sant, toumbou à moure bourdoun.

Te dìgou mercì per ou tiéu Amour  e a tiéu verità,

Per a tiéu proumessa qu’enaussa a tiéu bountà.

Quoura t’ai sounà, m’as escoutà,

As fach crèisse ou miéu courage e a miéu fouòrça.

 

Te rendèssan gracia i Rèis d’a Terra ;

Quoura auiran i proumessas d’a tiéu bouca,

Canteran sus i camins dar Signour :

Tant e pi grana, a siéu Gloria !

 

VANGELI

                                                                                              Saume cent dous, vint-un

 

Alleluia ! Alleluia !

Tout’i creaturas celestas

Benesissès ou Signour. Alleluia !

 

Letura dar Sant Vangeli segoun Sant Jouan ; Un, Quaranta set-cinquant-un

 

Jesus veguè Natanael que veniè devers d’el

E diguè d’el :

                   Vequì verament un israelita

                   Qu’en el lì es ren d’engana.

E Natanael li diguè:

                   De doun es que me counouisses ?

Jesus li respoundè :

                   Avanch que Felip te sounessa,

                   En tant qu’èras souta a figuièra, t’ai vist.

Natanael li diguè :

                   Rabin, siès ou fiéu de Diéu.

                   Siès ou Rèi d’Israel.

Jesus li respoundè e li diguè :

                   Es acò que t’ai dich :

                   T’ai vist souta a figuièra, crèses ;

                   Veiras de causas ben mai granas.

E ajountè :

                   Verament, verament ou vous digou,

                   Veirès ou cel dubert,

                   E is Anges de Diéu puàr e calar

                   Sus ou Fiéu de l’Ome.

 

OURACIOUN SUS I OUFERTAS

 

Da m’i nouòstras preguieras, Signour,

Te soumounden ou sacrifici d’acioun de gracia ;

                   Is Anges l’aduson en presença d’a tiéu gloria,

                   Que siè aculhì da me bountà

                   Per n’óutenir, nautres, ou sauvament,

Per Jesus Crist, Nostre Signour,                                           Counsì sìa

 

PREFACI

Se pouòl pere ou prefaci de la P. E. IV, pàgina cent nouranta-nòu (Quarant - un)

 

ANTÌFOUNA DE COUMUNIOUN

                                                                                              Saume cent trenta-set, un

 

De tout’ou miéu couòr te vi rendre gracia.

Da m’is Anges te vi cantar.

 

OURACIOU APRÈS D’A COUMUNIOUN

 

Counfourtas dar pan celest,

Umblament Te suplican, Signour :

Da m’aquelas fouòrças nouvelas

E sout’a proutecioun dis Anges,

Ajùa-nous à caminar dur

                   Devers dar nouòstre sauvament.

Per Jesus Crist, Nostre Signour, Counsì sìa.


LA MESSA COUMENÇA

 

Diéu nous aculhisse

Cant o antìfouna d’intràia.

 

Signau de la crous :

Ar noum dar Paire e dar fiéu e de l’Espìritou Sàntou.

Counsì sìa.

 

SALUDACIOUN DAR POBLE

Lou prèire saluda da m’una dis très fourmula aquì-souta.

 

1)                La gracia dar Signour Jesus Crist,

                   L’amour de Diéu ou Paire

                   E la coumunioun de l’Espìritou Sàntou

                   Foussan da me vous tous.

                   E da m’ou vouòstr’Espìritou.

 

2)                Lou Signour foussa da me vous.

                   E da m’ou vouòstr’Espìritou.

 

                   ♫ ♫ ♫ ♫ ♫ : Lou Signour foussa da me vous. E da m’ou vouòstr’Espìritou.

 

3)                Gracia e Pas à vous,

                   Da part de Diéu Nostre Paire

                   E dar Signour Jesus Crist.

                   Benesì foussa Diéu

                   Ou Paire de Nostre Signour.

 

ALESTIMENT  PENITENCIAL

 

 

Ou prèire counvida à la penitencia da m’una dis très fourmula aquì souta :

 

Fraires, recounouissen i nouòstres pecàs

Per celebrar couma se dèu la Santa Messa.

 

1) Counfessou à Diéu tout-pouderous

E à vous autres, fraires,

Qu’ai pecà tant e pi mai

                   En pensier e paraula,

                   Per obra e mancament.

La fauta es miéuna

                   A miéu fauta grana.

 

Vequì perqué suplicou

                   A Santa Vierge Marìa,

                   Is Anges da m’i Sants

                   E vous tamben, fraires,

De pregà per iéu ou Signour Nostre Diéu.

Diéu tout pouderous nous faga misericordia,

Nous perdoune i nouòstres pecàs

E nous mene à la vita eterna.

Counsì sìa.

 

Signour, pietà !                      Signour, pietà !

O Crist, pietà !                       O Crist, pietà !

Signour, pietà !                      Signour, pietà !

 

2) Pietà per nous, Signour !

Qu’aven pecà couòntra de tu.

Fai-nous vèire a tiéu misericordia.

Signour sauve-nous

 

Diéu tout pouderous nous faga misericordia,

Nous perdoune i nouòstres pecàs

E nous mene à la vita eterna.

Counsì sìa

 

Sigour, pietà !                        Sigour, pietà !

O Crist, pietà !                       O Crist, pietà !

Signour, pietà !                      Signour, pietà !

 

3) Signour Jesus, qu’ou Paire a mandà

Per garir i couòrs repentouses,

Pietà per nous !

 

Signour, assetà à la drecha dar Paire

Doun te cargas de nous reparar,

Pietà per nous !

Pietà per nous !

 

Diéu tout pouderous nous faga misericordia,

Nous perdoune i nouòstres pecàs

E nous mene à la vita eterna.

Counsì sìa

 

 

 

CANT DE LAUDA : GLORIA

 

Se di e se canta ou dimènegue e li journs de festa en fouòra de l’Avent e de Caerma.

 

Gloria à Diéu dintr’ou cel

- E sus a Terra, Pas ai omes :

                   Diéu li vouòl ben.

 

Te laudan, te benesissen, t’adouran,

- Te glourifican e te rengracian

                   Per a tiéu imensa gloria.

 

Signour Diéu, Rei dar cel,

                   Diéu ou Paire tout pouderous.

 

- Signour, fiéu unic, Jesus Crist.

Signour Diéu, Agnel de Diéu,

                   L’enfant dar Paire.

 

- Tu que lèvas ou pecà dar mounde,

                   Pietà per nous !

 

Tu que lèvas ou pecà dar mounde,

                   Agrad’a nouòstra preguiera.

 

- Tu que siès assetà à la drecha dar Paire,

                   Pietà per nous !

 

Tu soulet, ou Sant,

 

- Tu soulet, ou Signour,

 

Tu soulet, ou Diéu gran, Jesus Crist,

                   Da me l’espìritou Sàntou,

 

- Dintre a gloria de Diéu ou Paire.

Counsì sìa

 

OURACIOUN D’INTRÀIA

 

Preguen : … (silenci)…

Ou prèire acaba ensin l’ouracioun :

                                                                                              Quoura prega ou Paire :

Per Jesù Crist, ou tiéu enfant, Nostre Signour,

                   Que viéu e regna,

                   Da me tu e l’Espìritou Sàntou

                   Diéu, ahura e per l’eternità.

                                                                                              Quoura prega l’enfant :

Tu que vìves e règnes

                   Da m’ou Paire e l’Espìritou Sàntou,

                   Diéu, ahura e per l’eternità.

Quoura prega ou Paire en menciounant l’enfant en finala :

 

Que da me tu viéu e regna

                   En l’unità de l’Espìritou Sàntou,

                   Diéu, ahura e per l’eternità.

Counsì sìa

                  

♫ ♫ ♫ ♫ ♫ : Ahura e per l’eternità. Counsì sìa


LITURGÌA DE LA PARAULA

Diéu nous parla

 

PROUMIERA LETURA :

 

A la seguida, se di o se canta ou saume de meditacioun da me represa o refregne dar poble.

 

SEGOUNDA LETURA :

 

VANGELI :

 

S’entamena per l’aclamacioun d’a paraula de Diéu, Alleluia, o autra aclamacioun en Caerma.

Ou prèire soulet, à souta vous :

                   Purifica-me ou couòr e a bouca, Diéu Sant,

                   Per anounçar ai mis fraires ou Sant Vangeli.

 

Ou Signour foussa da me vous.

E da m’ou vouòstr’Espìritou.

 

Letura dar Sant Vangeli segoun Sant […]

Gloria en tu Signour !

 

[…] Tèstou dar Vangeli […]

                   Aclamen / Counsì sìa ou Sant Vangeli.

 

Paraula de Diéu !

Lauda en tu signour !

 

Se pouòl tamben cantar :

♫ ♫ ♫ ♫ ♫ : Aclamen a Paraula de Diéu ! Lauda en tu signour !

 

Ou prèire soulet, à souta vous :

Aquel Vangeli levessa i nouòstres pecas.

 

Oumelìa

 

 

PROUFESSIOUN DE FET : CREDO

 

Se di e se canta ou dimènegue e i journs de festa.

 

Crèou en un soulet Diéu,

- Paire tout-pouderous,

                   Creatour dar cel e d’a Terra,

                   De tout’ou vesible e l’invesible.

 

Crèou en un soulet Signour, Jesus Crist,

                   Ou fiéu unic de Diéu,

                   Naissù dar Paire ainanch tout’i sècoulous.

- Diéu, naissù de Diéu,

                   Lume, resplendour dar lume,

                   Diéu ver, naissù de Diéu ver.

Engendrà e ren creà,

Sustencia ùnica da m’ou Paire ;

Da el tout fouguè fach.

 

- Per nous-autres, is omes,

                   E per ou nouòstre salut,

                   S’en calè dar cel.

 

Per l’obra de l’Espìritou Sàntou

                   S’encarnè da la Vierge Marìa

                   E se faguè ome.

 

- Crucificà tamben per nous,

Dar temp de Pouns Pilata,

                   Patiguè e fouguè sepelì.

 

Ressucitè ou tèrsou journ segoun is Escrituras,

                   E s’en puhè En lou cel ;

                   Es assetà à la drecha dar Paire.

 

- Se dèu entournar da me gloria

                   Per judicar i viéus e i mouòrts

                   E ou siéu regne serà sensa fin.

 

Crèou en l’Espìritou Sàntou,

                   Ou Signour, aquel que douna a vita,

                   Aquel que prouchede dar Paire e dar fiéu ;

 

- Da m’ou Paire e ou fiéu,

                   Es adourà parier, e parier es glourificà ;

                   Nous a parlà per i proufetas.

 

E en la guièisa :

                   Una, Santa, catòlica e apoustòlica.

 

- Counfessou un soulet batear

                   Per a remissioun dis pecas.

 

Aspèrou a resurecioun dis mouòrts

                   E la vita dar mounde que ven.

 

Counsì sìa


LITUGÌA EUCARÌSTICA

Diéu se douna

 

ALESTIMENT DAR PAN E DAR VIN ;

 

Aquelas preguieras se pouòlon dire à souta vous o à auta vous.

 

Siès benesì, Signour, Diéu de l’univers ;

D’a tiéu generousità tenen aquel pan ;

                   Ou te presentan :

Trach d’a Terra dar travalh dais omes

Venrà per nous ou Pan d’a Vita.

Diéu foussa benesì, ahura e sempre !

 

Que per lou mistèri

D’aquel’aiga mèsquia ar vin

Aguen part à la divinità d’Aquel

Que se vourguè cargà d’a nouòstr’umanità.

 

Siès benesì, Signour, Diéu de l’univers ;

D’a tiéu generousità tenen aquel vin ;

                   Ou te presentan :

Trach d’a chouca dar travalh dais omes

Venrà per nous a Buvanda de Vita.

Diéu foussa benesì, ahura e sempre !

 

 

En esprit d’umiltà,

E lou couòr repentous, nous veicì denanch tu,

Pren-nous ar tiéu servici, Signour,

E t’agradessa ou nouòstre sacrifici d’ancuèi.

 

Lava-me, Signour d’a miéu iniquietà,

Neteja-me dar miéu pecà.

 

Preguen, fraires :

                   Ou Paire tout pouderous

                   Agradessa ou nouòstre sacrifici.

 

Ou Signour l’agrada

                   Per a siéu glòria

                   Per ou nouòstre ben

                   Per ou ben d’a siéu Guièisa.

                  

 

OURACIOUN SUS IS OUFERTAS

 

                   … Per Jesus Crist, Nostre Signour.                   Counsì sìa

 

SANT, OU SIGNOUR,

Sant e mai que Sant, ou Diéu de l’univers !

Ou cel e a Terra soun piens d’a tiéu glòria.

                   Hosanna dintr’ou cel !

Benesì aquel que ven ar noum dar Signour !

                   Hosanna dintr’ou cel !

 

Siès verament Sant, Signour,

Tu a fouònt de touta santità.

Dounca te pregan :

 

                   Per que Diéu agrade a nouòstr’ouferta.

 

Santifica aquels douns

                   Da l’aigàia dar tiéu Espìritou :

Venguessan per nous ou cors e ou sanc

                   De Nostre Signour Jesus Crist.

 

                   « Acò qu’ai fach, fasès-lou en memòria de iéu. »

 

Ar moument que s’anava liéurar

                   Dar siéu bouòn vouler à la siéu passioun,

Prenguè ou pan,

Te rengraciè

Ou roumpè

E, ou dounant ai siéu diciple, diguè : 

 

                   « Prenès e manjas n’en tous :

                   Aiçò es ou miéu cors

                   Liéurà per vous. »

 

Parierament, sus ou còu que se fouguè soupà,

Prenguè ou calici,

Te rengraciè tourna

E l’espourgeant ais sis disciples, diguè :

 

                   « Prenès e buvès n’en tous :

                   Aiçò es ou calici dar miéu sanc,

                   Ou sanc de l’eterna e nouvel’aliança,

                   Que per vous e is omes

                   Serà vessà en remissioun dis pecas.

                   Farès acò en memòria de iéu. »

                                                                                             

                                                                                              Faguen ressounar a nouòstra fet.

 

Se pouòl dire o cantar una dis très fourmulas aquì souta :

 

1) Ou mistèri d’a fet !

Prouclaman a tiéu mouòrt, Signour Jesus !

Festejan a tiéu resurecioun !

Asperan a tiéu vengùa en la glòria !

♫ ♫ ♫ ♫ ♫ :

Ou prèire : Ou mistèri d’a fet

Ou poble : Prouclaman a tiéu mouòrt, Signour Jesus !

                    Festejan a tiéu resurecioun !

                    Asperan a tiéu vengùa en la glòria !

 

2) Aiçò es ou mistèri d’a fet!

Cada viage que manjan aquel pan,

Cada viage que beven aquel vin,

Prouclaman a tiéu mouòrt, Signour Jesus !

Asperan a tiéu vengùa en la glòria !

 

3) Prouclaman ou mistèri d’a fet !

Sauvaire dar mounde, sauva-nous !

Siès tu que n’as desliéurà !

Prouclaman a tiéu crous !

Cantan a tiéu resurecioun !

 

                                                                                              Celebren ou mistèri de Pascas.

 

Dounca, celebrant a memòria

                   D’a tiéu mouòrt

E d’a resurecioun dar tiéu enfant

Te regalan, Signour,

                   Ou pan d’a vita

                   E ou calici dar sauvament,

En acioun de gracia

                   De cen que n’as vourgù degnes

                   De se tenir denanch Tu e de te servir.

 

 

                                                                                              Preguen per l’Unità.

 

Te pregan e te suplican :

L’Espìritou Sàntou nous arecampe en l’Unità,

Nous, qu’auren pres

Ou Cors e ou Sanc dar Crist.

 

                                                                                              Per a Guièisa.

 

Avisa-te, Signour, d’a tiéu Guièisa

Espandida sus de tout a Terra :

Mene-la à la piena carità

Da me Benesè ou nouòstre Papa,

[…] ou nouòstre evesquia,

E tout’i pastours dar tiéu poble.

 

                                                                                              Per i mouòrts.

 

Per una messa dis mouòrts

Noun oubliar […], ou tiéu enfant / a tiéu filha

Qu’as (ancuèi) sounà d’aquel mounde

                   Dapé de tu.

Per ou batear, a sembià ar tiéu enfant en la mouòrt,

                   Li semblessa tamben en la siéu resurecioun.

Noun oubliar màncou i nouòstres fraires,

                   Que se soun endurmis en l’esperança,

                   Segurs de tourna viéure,

E màncou tout’is autres, mouòrts en la tiéu misericòrdia :

                   Fai-li vèire ou lume d’a tiéu cara.

 

                                                                                              Per nous tous.

Te pregan d’aver pietà de nous tous :

Que da m’a benurousa Maire de Diéu,

                   La Vierge Marìa,

                   Da m’i sis apòstoulous e i Sants

                   Que de tous temps t’an agradà,

Siguen degnes d’aver part à la vita eterna

                   E que pousquen cantar a tiéu glòria.

Per Jesus Crist, l’Enfant dar tiéu Amour.

 

                                                                                              Quiavahura soulena.

 

Ou prèire soulet di :

 

Per El, da m’El e en El,

En tu, Diéu, ou Paire ounipoutent,

En l’unità de l’Espìritou Sàntou,

                   Óunour e glòria,

                   Ahura e per l’eternità.                                        Counsì sìa. 

 


PREGUIERA EUCARÌSTICA

 

PREFACI :

 

Ou Signour foussa da me vous.

E da m’ou vouòstr’espìritou.

 

Aussen ou nouòstre couòr.

L’espourgen ar Signour

Rengracian ou Signour Nostre Diéu

Acò es degne e just.

 

Verament es degne de te rengraciar,

Verament es just de te glourificar,

                   Paire Sant,

Perqué siès ou Diéu unic, vivent e ver :

                   Siès ainanch ou temp

                   E estas eternament

                   En un lume qu’escoumpassa tout’ esclarcità.

 

Siés tamben ou Diéu bouòn e a fouònt de vita :

                   As fach l’univers

Per espandir sus i tis creaturas a foga d’i tis gracias

E proun nous ralegrar de l’esplendour d’a tiéu clartà.

 

Veici perqué se tenon denanch tu

                   Is Anges inoumbrables :

Te sirvon nuèch e journ

                   E, countemplant a glòria d’a tiéu cara,

                   Arèstan pas de te glourificar.

 

Da m’els, nous autres e, per a nouòstra bouca,

                   Touta creatura d’aquel mounde,

Proucclaman ou tiéu noum da me gauch

                   En cantant – (en disent) :

 

[... ??]

Dis apòstoulous e dis Sants,

En lou tiéu reiaume

Doun pouren da m’a creacioun entiera,

Deslieuràia d’a courucioun dar pecà

E d’a mouòrt,

Te glourificar per Jesus Crist, Nostre Signour ;

Per El, màndes sus de l’univers a foga dis tis bens.

 

                                                                                              Quiavahura soulena  

Ou prèire soulet di :

 

Per El, da m’El e en El,

En tu, Diéu, ou Paire ounipoutent,

En l’unità de l’Espìritou Sàntou,

                   Óunour e glòria,

                   Ahura e per l’eternità.                                        Counsì sìa. 

 

O canta :

♫ ♫ ♫ ♫ ♫ :

 

Per El, da m’El e en El,

En tu, Diéu, ou Paire ounipoutent,

En l’unità de l’Espìritou Sàntou,

                   Óunour e glòria,

                   Ahura e per l’eternità.                                        Counsì sìa. 

 

 

A COUMUNIOUN

 

PREGUIERA DAR SIGNOUR :

 

Ou prèire nous counvida à la preguiera da m’una dis douas fourmulas aquì souta :

 

1) Couma ou tenen dar Sauvaire

E segoun ou siéu ensegnament,

                   Aujan dire :

 

2) Arecampàs en l’Espìritou Sàntou,

Poulen dire da me counfiança

La lauda que tenen dar Signour :

 

Paire nouòstre que siès en cel,

Ou tiéu noum siègue santificà,

Venga ou tiéu regne,

Se faga a tiéu voulountà

                   Sus a Terra couma en cel.

Doune-nous ancuèi ou pan nouòstre dar cada journ,

Quite-nous i nouòstres dèutes

Couma i quitan ai nouòstres debitours

E noun n’endùgues en tentacioun,

Mà deslieure-nous dar mal.

 

Deslieure-nous dar mal, Signour,

E douna a Pas ar nouòstre temp ;

Da me l’ajùa d’a tiéu misericordia

Sieguen sempre libres dar pecà

E rasseguràs denanch is esprovas d’a vita,

En l’esperança dar gauch proumes

E de la vengùa dar nouòstre sauvaire, Jesus Crist.

 

Que soun tiéu : ou Regne,

Ou Pouler e a Glòria,

Ahura e per l’eternità.

Signour Jesus Crist, as dich ai tis apòstoulous :

« A miéu Pas vous laissou, a miéu Pas vous dounou ».

Noun tenir conte dis nouòstres pecàs

                   Mà d’a fet d’a tiéu Guèisa.

Segoun a tiéu voulountà doune-li a Pas

                   E recampe-la en l’unità.

Tu que vìves e règnes,

                   Ahura e per l’eternità.                                        Counsì sìa !

 

La Pas dar Signour

Foussa sempre da me vous.

E da m’ou vouòstr’Espìritou.

 

Se pouòl tamben cantar :

♫ ♫ ♫ ♫ ♫ :

La Pas dar Signour

Foussa sempre da me vous.

E da m’ou vouòstr’Espìritou.

 

Bèu poble, vous counvidan à vous saludar en la Pas.

 

FRACIOUN DAR PAN

 

Ou Cors e ou Sanc

                   De Nostre Signour Jesus Crist aquì mesquiàs,

Nous dounon a vita eterna.

 

Se pouòl dire o cantar :

Agnel de Diéu que lèves ou pecà dar mounde,

                   Pren pietà de nous ! (un viage o mai)

Agnel de Diéu que lèves ou pecà dar mounde,

                   Doune-nous a Pas !

 

COUMUNIOUN

 

Lou prèire prega en silenci :

1) Signour Jesus Crist, enfant dar Diéu viéu,

                   Segoun ou vouler dar Paire

                   E en un’obra coumuna

                   Da me l’espìritou Sàntou,

As dounà, per a tiéu mouòrt, a vita ar mounde.

Ou tiéu Cors e ou tiéu Sanc me deslieurèssan

                   D’i mis iniquietà e de tout mal ;

Fai que m’estaquessa sempre ai tis coumandaments

E noun permetre jamai que me despartessa de tu.

 

2) Signour Jesus Crist,

La coumunioun da m’ou tiéu Cors e ou tiéu Sanc

                   Noun me faga judicar e coundanar.

Foussa pulèu, en lou tiéu amour,

                   Remedi e proutecioun

                   Per ou miéu cors e ou miéu esprit.

 

Urouses i counvidas ar taulier dar Signour !

Veicì l’Agnel de Diéu,

                   Veicì aquel que lèva ou pecà dar mounde.

 

Signour, noun siéu degne

                   Que vèngas dintre ou miéu oustal,

                   Ma diga basta una paraula

                   E a miéu ànima serà garìa.

 

Ou Cors dar Crist

                   Me garde per la vita eterna.

Ou Sanc dar Crist

                   Me garde per la vita eterna.

Ou cors dar Crist.

Counsì sìa.

Ou Sanc dar Crist.

Counsì sìa.                                                                          

 

Dar temp qu’ou celebrant pren ou Cors dar Crist, se pouòl coumençar ou cant de coumunioun. A coumunioun acabàia, après d’un temp de silenci per l’acioun de gracia, se pouòl cantar un saume o un cantica de lauda.

 

Acò qu’a nouòstra bouca l’a reçaupù,

Ou se pousquessian tenir en un’ ànima pura ;

E acò que presentan sus a Terra

Vengue un remedi d’eternità !

 

OURACIOUN APRÈS LA COUMUNIOUN

 

                                                                                              […] Per Jesus Crist Nostre Signour.

                   Counsì sìa.


LA MESSA S’ACABA

Diéu nous benesisse

 

SALUDACIOUN E BENEDICIOUN :

 

Ou Signour foussa da me vous.

E da m’ou vouòstr’Espìritou.

 

♫ ♫ ♫ ♫ ♫ :

Ou Signour foussa da me vous.

E da m’ou vouòstr’Espìritou.

 

Ou Signour tout pouderous vous benesisse :

Ou Paire, ou Fiéu, l’Epìritou Sàntou.

Counsì sìa.

 

Fraires, à se revèire !

Glòria à Diéu !

 

♫ ♫ ♫ ♫ ♫ :

Fraires, à se revèire !

Glòria à Diéu !

 


LAUDA 

DE  SANT MIQUEL

 

 

Sant Miquel 

Ange dar cel

Moun couòr velha

E l’ànima velha.

Nostre Signour es moun paire

La Madona es ma maire

Tout ‘i anges soun ‘i mis fraires.

N’un bel liech m’en anièi

Sièi ange li trouvièi

Très deçà, très delà

Espèritou Sàntou en mitan

M’an dich de me signar d’a man drecha

E n’aguessa paur d’aquela bruta bestia.

D’aquel journ, d’aquela nuèch, consì sìa.  

 

 

- Segoun Tanta Paulina Carenca ; Lou Moulinet, 1995

Lauda trasmessa da Tanta Filoumena Torela ; Starier, 1915 -

 

 

PRIERE  DE  SAINT  MICHEL

 

 

Saint Michel / Ange du ciel / Mon cœur veille / Et l’âme veille. / Notre Seigneur est mon père / La vierge est ma mère / Tous les anges sont mes frères. / Dans un beau lit j’allai / Six anges j’y trouvai / Trois d’un côté, trois de l’autre / L’Esprit Saint au milieu / Ils m’ont dit de me signer de la main droite / Et de ne pas avoir peur de cette méchante bête. / De ce jour, de cette nuit, ainsi soit-il.

 

- Selon Tante Pauline Carenco ; Moulinet, 1995.

Prière transmise par Tante Philomène Torelli ; Starier, 1915 -